Erling Haaland, leikmaður Manchester City, hefur valið á milli goðsagnanna Cristiano Ronaldo og Lionel Messi.
Messi og Ronaldo voru lengi bestu leikmenn heims og var mikið deilt um hvor þeirra væri betri.
Í dag eru leikmennirnir komnir á seinni árin í boltanum en Messi spilar með PSG og Ronaldo er í Sádí Arabíu.
Haaland er sjálfur einn besti leikmaður heims og hefur raðað inn mörkum fyrir Man City á tímabilinu.
Haaland velur Ronaldo yfir Messi vegna þess að sá fyrrnefndi er með betri hægri fót – en Messi skýtur með vinstri.
,,Þetta er erfitt. Ég er nú þegar með ágætan vinstri fót svo ég myndi velja Ronaldo fyrir hægri fótinn,“ sagði Haaland.
