Jimmy Floyd Hasselbaink, fyrrum leikmaður Chelsea, er með ráð fyrir Mauricio Pochettino sem tekur líklega við félaginu í sumar.

Talið er að Pochettino muni taka við Chelsea þann 1. júlí en hann þekkir vel til Englands og var áður hjá Tottenham.

Chelsea hefur eytt um 600 milljónum punda í leikmenn á stuttum tíma en flestir af þeim leikmönnum hafa lítið sýnt.

Hasselbaink segir að það sé möguleg lausn fyrir Pochettino að láta þessar stjörnur æfa með varaliðinu til að halda móralnum í lagi.

,,Hann gæti þurft að vera miskunnarlaus, ef þú ert ekki farinn í sumar þá gætirðu þurft að æfa á öðrum tíma með öðrum hóp,“ sagði Hasselbaink.

,,Þú þarft að skilja þessa hópa að, þá sem þú vilt vinna með og þá sem hafa valdið vonbrigðum. Hann gæti þurft að sýna þeim enga miskunn.“