fbpx
Þriðjudagur 13.maí 2025
433Sport

Hansen nefndur hinn danski Kjartan Henry: Klara svarar ekki í síma en Felix veður í Hafnfirðinga – „FH ætlar að ráðast á Klöru og KSÍ“

Hörður Snævar Jónsson
Mánudaginn 22. maí 2023 19:00

Ekki missa af Helstu tíðindum dagsins í pósthólfið þitt

Lesa nánar

Nikolaj Hansen fyrirliði Víkings gæti mögulega átt yfir höfði sér leikbann ef viðmið Knattspyrnusambands Íslands frá því í síðustu viku er notað. Klara Bjartmarz, framkvæmdarstjóri KSÍ vísaði þá málefni Kjartans Henry Finnbogasonar á borð aganefndar.

Kjartan hafði í leik Víkings og FH verið í eldlínunni, virtist hann sparka í átt að leikmanni Víkings og síðar í leiknum fór olnbogi hans í andlitið á Hansen. Kjartan sagði það óviljaverk og undir það tók reyndar aganefndar KSÍ. Að ekki væri hægt að sanna að olnbogaskotið væri viljandi.

Kjartan Henry var dæmdur í eins leiks bann fyrir olnbogaskotið en aganefndin tók sparkið í átt að leikmanni Víkings ekki fyrir.

Í leik HK og Víkings í gær var Hansen í hasarnum og olnbogi hann virtist fara beint í andlitið á Eiði Rúnarssyni. Klara Bjartmarz svaraði ekki símtölum blaðamanns 433.is í dag þegar spyrja átti út í hvort mál Hansen færi sömu leið og Kjartans í kerfinu.

„Danski KHF,“ skrifar Vilhjálmur Hallsson einn af stjórnendnum Steve Dagskrá á Twitter.

Sparkspekingurinn, Kristján Óli Sigurðsson úr Þungavigtinni segir að hver verði að dæma fyrir sig í þessu máli Hansen og birtir myndband af atvikinu.

FH-ingar eru mjög óhressir með dóminn á Kjartan og sendu yfirlýsingu út í gær vegna þess. FH vill meina að um klárt óviljaverk hafi verið að ræða í tilfelli Kjartans. „Um það verður ekki deilt að þessi heimild er til staðar. Hins vegar er framganga framkvæmdastjórans í greinargerð sinni til Aga- og úrskurðarnefndar ámælisverð. Þannig fullyrðir framkvæmdastjórinn tvívegis í greinargerð sinni að Kjartan hafi sýnt óíþróttamannslegan og hættulegan leik. Það er að mati FH algjörlega ótækt og í ósamræmi við málskotsheimild framkvæmdastjórans að hún taki afstöðu í málinu með svona afgerandi hætti,“ segir meðal annars í yfirlýsingu félagsins.

Felix Bergsson, hinn geðþekki útvarpsmaður er ekki hrifin af yfirlýsingu FH og segir á Twitter. „Þannig að knattspyrnudeild FH ætlar að ráðast á Klöru og KSÍ en segir ekkert við leikmanninn sem reyndi að slasa andstæðing með skítabrögðum? Kúl,“ skrifar Felix.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Liverpool mjög nálægt því að kaupa öflugan hægri bakvörð

Liverpool mjög nálægt því að kaupa öflugan hægri bakvörð
433Sport
Fyrir 7 klukkutímum

Staðfest að Amorim verður ekki rekinn sama hvað gerist í næstu leikjum

Staðfest að Amorim verður ekki rekinn sama hvað gerist í næstu leikjum
433Sport
Fyrir 8 klukkutímum

Viðbúið að viðbrögðin yrðu svona og Trent þarf að takast á við það

Viðbúið að viðbrögðin yrðu svona og Trent þarf að takast á við það
433Sport
Fyrir 9 klukkutímum

Þetta er upphæðin sem Real Madrid ætlar að bjóða Liverpool til að fá Trent með á HM

Þetta er upphæðin sem Real Madrid ætlar að bjóða Liverpool til að fá Trent með á HM
433Sport
Fyrir 10 klukkutímum

Ætla ekki að hækka tilboðið og getur því farið frítt í sumar

Ætla ekki að hækka tilboðið og getur því farið frítt í sumar
433Sport
Fyrir 22 klukkutímum

Kostuleg saga af Wayne Rooney þegar hann var rekinn

Kostuleg saga af Wayne Rooney þegar hann var rekinn
433Sport
Fyrir 22 klukkutímum

Leki úr herbúðum United hefur hætt á síðustu mánuðum – Spjótið beinist því að einum manni

Leki úr herbúðum United hefur hætt á síðustu mánuðum – Spjótið beinist því að einum manni