Greint var frá því fyrir helgi að varnarmaðurinn Thiago Silva væri að leitast eftir því að yfirgefa Chelsea á þessu ári.

Silva hefur verið einn besti ef ekki besti leikmaður Chelsea á tímabilinu en hann er 38 árla gamall.

Silva er ákveðinn í því að enda ferilinn hjá Fluminense í heimalandinu og er nú að horfa á að yfirgefa England í sumar.

Það voru fréttir sem komu á óvart þar sem Silva skrifaði undir framlengingui við Chelsea í vetur til ársins 2024.

The Telegraph segir að Chelsea ætli ekki að standa í vegi fyrir Silva í sumar ákveði hann að snúa aftur heim.

Chelsea er opið fyrir því að losa leikmanninn úr sínum röðum og eru því góðar líkur á að Silva sé að spila sitt síðasta tímabil á Englandi.