Aston Villa hefur augastað á Marco Asensio fyrir sumarið. Nokkrir miðlar segja frá þessu.

Samningur hins 27 ára gamla Asensio við Real Madrid er að renna út. Helst vill hann gera nýjan samning í spænsku höfuðborginni en það er ekki víst að það takist.

Mikill metnaður er á Villa Park þessa dagana. Unai Emery hefur snúið gengi liðsins við frá því hann tók við því í haust og er Villa í baráttu um Evrópusætin í ensku úrvalsdeildinni.

Félagið ætlar því að bæta við sig stórum nöfnum í sumar og er Asensio á blaði.

Mateu Alemany, yfirmaður knattspyrnumála hjá Barcelona, hefur störf hjá Villa í sumar og gæti hans fyrsta verk verið að fá Asensio til félagsins.

Þá á Emery gott samband við Jorge Mendes, umboðsann Asensio.

Asensio hefur komið við sögu í 46 leikjum Real Madrid á þessari leiktíð. Hefur hann skorað átta mörk og lagt upp sex.