Stjarnan er í neðsta sæti bestu deildarinnar eftir fimm umferðir, liðið hefur fengið næst flest mörk á sig og virðist ekki í góðu jafnvægi.

Á Stöð2 Sport er byrjað að velta því fyrir sér hvort Ágúst Gylfason verði rekinn úr starfi sem þjálfari Stjörnunnar

„Fyrir mótið talaði ég um að þeir gætu orðið spútnik lið, það eru bar afimm leikir búnir,“ sagði Gunnar Heiðar Þorvaldsson sérfræðingur á Stöð2 Sport.

Ágúst er á sínu öðru tímabili sem þjálfari Stjörnunnar en hann hefur unnið gott starf í Garðabæ fram að þessu. Gunnar Heiðar telur að Ágúst verði þó ekki rekinn eftir kvöldið.

„Þú mátt ekki tapa mörgum leikjum svo þú hellist aftur úr lestinn, ég segi nei, þú veist samt aldrei. Þetta er fljótt að gerast í fótboltanum,“ sagði Gunnar Heiðar.

Stjarnan er með þrjú stig eftir fimm umferðir, liðið hefur skorað sjö mörk og fengið á sig tíu.