Reiss Nelson hefur hafnað nýju samningstilboði frá Arsenal.
Hinn 23 ára gamli Nelson er uppalinn hjá Arsenal en hefur verið í aukahlutverki hjá aðalliðinu.
Á undanförnum árum hefur hann farið á láni til Feyenoord og Hoffenheim á láni í leit að spiltíma.
Samningur Nelson við Arsenal er að renna út og getur kappinn því farið á frjálsri sölu í sumar.
Það er hins vegar ekki útséð með það því viðræður halda áfram þrátt fyrir að Nelson hafi hafnað samningstilboðinu nú.
Fari svo að Nelson yfirgefi Arsenal er áhugi bæði á Englandi og erlendis.
Nelson hefur spilað fimmtán leiki í öllum keppnum á leiktíðinni. Hans stærsta stund var klárlega þegar hann skoraði dramatískt sigurmark gegn Bournemouth á Emirates vellinum og reyndist algjör hetja.
Reiss Nelson has rejected the first new contract proposal made by Arsenal — but negotiations remain ongoing as final decision will be made at the end of the season. 🚨⚪️🔴 #AFC
Nelson has been approached by many clubs in England and also from abroad over potential free transfer. pic.twitter.com/nqpmSqXh0o
— Fabrizio Romano (@FabrizioRomano) May 4, 2023
