Hinn kraftmikli Stefán Árni Geirsson hefur skrifað undir nýjan samning við KR og gildir núverandi samningur út tímabilið 2025.
Stefán Árni hefur ekkert komið við sögu í Bestu deildinni í sumar vegna meiðsla sem hafa hrjáð hann. „Gleðifréttir! Stefán Árni hefur gert nýjan þriggja ára samning við KR. Til hamingju með nýja samninginn Stefán Árni – gott að þér líður vel í KR,“ segir á vef KR.
Stefán er 22 ára gamall en miklar væntingar hafa verið gerðar til hans undanfarin ár en honum hefur ekki tekist að springa út.
KR vonast til þess að Stefán finni stöðugleika og nýtist liðinu, hraði hans og kraftur gætu verið sterkt vopn fyrir KR.
KR hefur ekki byrjað vel í Bestu deildinni og er með fjögur stig eftir fjórar umferðir.
