Jadon Sancho, stjarna Manchester United, ku vera að leitast eftir því að snúa aftur til Borussia Dortmund.

Sancho hefur ekki staðist væntingar á Old Trafford síðan hann kom til enska félagsins fyrir tveimur árum.

Suddeutsche Zeitung í Þýskalandi segir að Sancho vilji komast aftur til Þýskalands og spila fyrir Dortmund á ný.

Sancho gerir sér þó grein fyrir því að hann verði ekki seldur til baka heldur væri um lánssamning að ræða.

Sancho er 23 ára gamall en hann hefur aðeins komið við sögu í 19 deildarleikjum á Englandi í vetur.

Man Utd hefur ekki áhuga á að selja Sancho en gæti mögulega skoðað það að lána hann í eitt tímabil upp á sjálfstraust að gera.