Ef miðað er við að meðalkostnaður við að leggja bundið slitlag á hvern kílómetra tengivega, sem eru nú með malarslitlagi, sé 70 milljónir króna mun kosta allt að 150 milljarða að malbika þá 2.118 kílómetra sem eru ekki með bundnu slitlagi í dag.

Morgunblaðið skýrir frá þessu í dag og segir að þetta komi fram í svari innanríkisráðherra við fyrirspurn Guðrúnar Hafsteinsdóttur, þingmanns, sem hefur verið dreift á Alþingi.

Guðrún spurði hvenær væri áætlað að ljúka lagningu bundins slitlags á alla héraðs- og tengivegi.

Í svarinu segir að um 35 km af tengivegum hafi verið lagðir bundnu slitlagi árlega síðustu árin. Ef sömu upphæð, 2.500 milljónum, verður áfram varið árlega í verkefnið tekur um 60 ár að ljúka því.