Árið 2014 hafði Bayern Munchen mikinn áhuga á Marco Reus, stjörnu Borussia Dortmund.

Á þessum tíma höfðu félagar Reus, Mario Götze og Robert Lewandowski, þegar lagt leið sína frá Dortmund til Bayern Munchen.

Reus hélt hins vegar tryggð við sitt félag. Það gerði hann þrátt fyrir tilboð frá fyrirsætunni Ina-Maria Schnitzer, sem er þekktur stuðningsmaður Bayern Munchen.

Þannig er mál með vexti að þarna var Reus bílprófslaus, en hann hafði einmitt nýlega verið stöðvaður próflaus undir stýri.

„Marco, elskan mín. Ég mun ekki bara skutla þér allan sólarhringinn heldur líka hjálpa þér að fá bílprófið aftur,“ á Schnitzer að hafa sagt á sínum tíma.

Schnitzer vildi sem sagt ólm fá Reus til liðs við sína menn í Bayern Munchen. Þrátt fyrir heillandi tilboð hafnaði Reus hins vegar.