Dimitar Berbatov, fyrrum framherji Manhcester United, telur ljóst að félagið þurfi að bæta við sig framherja í sumar.
Félagið hefur ekki almennilega leyst Cristiano Ronaldo af hólmi, en hann fór undir lok síðasta árs.
„Þeir þurfa framherja. Einhvern sem getur skorað mörk,“ segir Berbatov.
Harry Kane hefur meðal annars verið orðaður við United.
„Það er ekki hægt að tala gegn því að Harry Kane muni skora mörk. Hann er einn sá besti af hans kynslóð, ótrúlegur.
Það eina sem ég hef áhyggjur af er aldur hans. Hann er næstum þrítugur og er ekki að yngjast. Þetta verður áhyggjuefni ef einhver ætlar sér að kaupa hann.“
Berbatov telur að Kane verði áfram í röðum Tottenham.
„Hann er of mikil goðsögn þar. Ef þú hugsar um Spurs hugsar þú um Harry Kane. Hann getur ekki skaðað þessa arfleið.“
Victor Osimhen, sem hefur verið stórkostlegur með Napoli, er rétti maðurinn fyrir United að mati Berbatov.
„Þú þarft einhvern sem skorar mörk og er á réttum aldri svo hann geti þróast og orðið betri og betri. Einhvern sem þú getur notað í mörg ár. Fyrir mér er það Osimhen.
Hann er að eiga ótrúlegt tímabil. Hann er týpa af leikmanni sem ég held að myndi plumma sig hjá United.“
