U16 lið kvenna vann 4-0 sigur gegn Ísrael í öðrum leik sínum á UEFA Development Tournament mótinu sem fram fer í Wales.

Mörk Íslands í leiknum skoruðu þær Rakel Eva Bjarnadóttir, Karlotta Björk Andradóttir, Katla Guðmundsdóttir og Hrefna Jónsdóttir.

Næsti leikur Íslands í mótinu og jafnframt sá síðasti er gegn Wales sunnudaginn 16. apríl og hefst hann klukkan 12:00 að íslenskum tíma.

Þá vann U16 lið karla 5-2 sigur gegn Armeníu í fyrsta leik sínum í UEFA Development Tournament sem fram fer á Möltu þessa dagana.

Staðan eftir venjulegan leiktíma var 1-1 eftir að Thomas Ari Arnarsson kom Íslandi yfir með marki á 21. mínútu.

Á mótinu eru reglurnar þannig að ef leik lýkur með jafntefli er farið beint í vítaspyrnukeppni. Bæði lið fá eitt stig fyrir jafnteflið og það lið sem vinnur sigur í vítaspyrnukeppninni fær eitt stig til viðbótar og því samtals tvö stig.

Ísland skoraði úr fjórum spyrnum en Armenía aðeins úr einni.

Mörk Íslands í vítakeppninni skoruðu þeir Haraldur Ágúst Brynjarsson, Freysteinn Ingi Guðnason, Þorri Heiðar Bergmann og Jónatan Guðni Arnarsson.

Næsti leikur liðsins er á laugardagsmorgun klukkan 09:00 gegn Eistlandi.