Robert Lewandowski framherji Barcelona segir að Jurgen Klopp hafi orðið reiður þegar Sir Alex Ferguson hringdi í hann og vildi fá hann til Manchester United.
Lewandowski og Klopp unnu þá saman hjá Borussia Dortmund en pólski framherjinn segir frá málinu. Símtalið frá Ferguson gladdi Lewandowski en ekki Klopp.
„Ég man þetta augnablik vel, við áttum æfingaleik gegn Bochum og ég var tekinn af velli í hálfleik. Ég kíkti á símann minn og sá símtal með landsnúmerinu frá Englandi. Ferguson hafði reynt að hringja og sendi svo skilaboð, hann vildi tala við mig,“ sagði Lewandowski.
„Ég var í klefanum en fór í sturtu og hringdi svo til baka, ég reyndi að skilja hann og enskan mín var bjöguð. Ég reyndi að skilja Ferguson, ég var bara 22 ára gamall og þetta var sérstakt augnablik.“
Lewandowski fór næst í það að ræða við Jurgen Klopp þá stjóra Dortmund og aðra stjórnendur.
„Ég talaði við formanninn og Jurgen Klopp, ég vildi fara til Manchester United en þeir sögðu mér að gleyma því.“
