Besta deild karla fer af stað þann 10. apríl en þetta er í annað sinn sem deildin er með þessu fyrirkomulagi. Spilaðir verða 22 leikir og að þeim umferðum loknum er deildinni skipt upp í tvo hluta, eru þá spilaðir fimm leikir. 433.is mun á næstu dögum spá í spilin.

8.sæti – ÍBV

Eyjamenn hafa verið að valda usla á undirbúningstímabilinu og koma á mikilli siglingu inn í nýtt tímabil.

Iðulega kemur ÍBV til leiks eftir mörg slæm úrslit á undirbúningstímabilinu og liðið algjörlega óskrifað blað. ÍBV hefur hins vegar í vetur aldrei þessu vant verið á mikilli siglingu, liðið hefur unnið góða sigra á bæði FH og Breiðabliki og komst í undanúrslit Lengjubikarsins.

Filip Valencic hefur breytt sóknarleik liðsins en honum er ætlað að vera límið þar, hann hefur sýnt góða takta á undirbúningstímabilinu. Andri Rúnar Bjarnason er horfinn á braut og verður fróðlegt að sjá hvernig ÍBV gengur án hans.

Þrátt fyrir góð úrslit á undirbúningstímabilinu er hópur ÍBV afar þunnur og má Hermann Hreiðarsson hafa sig allan við til þess að halda öllum heilum svo ekki fari að gefa á bátinn.

Spáin:
9 sæti – Keflavík
10 sæti – HK
11 sæti – Fram
12 sæti – Fylkir

Lykilmaður: Eiður Aron Sigurbjörnsson
Þjálfari: Hermann Hreiðarsson
Heimavöllur: Hásteinsvöllur
Íslandsmeistarar: 3 sinnum

Komnir
Guy Smit (láni)
Bjarki Björn Gunnarsson (lán)
Filip Valencic
Hermann Þór Ragnarsson
Ólafur Haukur Arilíusson
Sverrir Páll Hjaltested

Farnir
Óskar Elías Zoega Óskarsson
Telmo Castanheira
Andri Rúnar Bjarnason
Atli Hrafn Andrason
Kundai Benyu