Morgunblaðið skýrir frá þessu og hefur eftir Steinþóri að hann dragi þess ályktun af kjötframleiðslu síðasta árs og því að lifandi gripum í landinum fer fækkandi.
Meginástæðuna segir hann vera að afkoma í kjötframleiðslu standi ekki undir þeirri fjárfestingu sem nauðsynleg er og viðhaldi framleiðslumagns. Þetta kom fram á aðalfundi SS að sögn Morgunblaðsins.
Sagði Steinþór einnig að of margar afurðastöðvar séu í landinu og séu þær óhagkvæmar í rekstri. Ekki hafi fengist heimild með lögum til að hagræða í slátrun og vinnslu eins og gert hafi verið í mjólkuriðnaði.
Hann tók sem dæmi að í Danmörku slátri tveir aðilar öllum svínum frá svínaræktendum landsins og geti þessi fyrirtæki lækkað kostnað sinn verulega. Annað þessara fyrirtækja er stórtækt í útflutningi svínakjöts hingað til lands.