Jude Bellingham mun setjast niður með félagi sínu, Borussia Dortmund og ræða framtíð sína í komandi landsleikjahléi. Þetta segir í þýska fjölmiðlinum Bild.
Framtíð Bellingham, sem er einn mesti spennandi leikmaður heims, hefur verið í brennidepli. Ljóst er að öll stærstu félög Evrópu gætu hugsað sér að hafa hann innan sinna raða.
Faðir Bellingham er sagður hafa fundað með Real Madrid í síðasta sumar en spænska félagið vill ganga frá kaupum á Bellingham í sumar.
Þá hefur hann einnig verið sterklega orðaður við Liverpool, sem og Manchester City.
Hins vegar segir Bild að Dortmund telji um 50% líkur á að Bellingham taki eitt tímabil í viðbót í Þýskalandi.
Miðjumaðurinn er aðeins 19 ára gamall og liggur því ekki á að fara. Miðað við frammistöðu hans með Dortmund undanfarin ár, sem og á Heimsmeistaramótinu í Katar fyrir áramót, er óhætt að segja að hann sé tilbúinn í allra stærsta sviðið.
