„Á tæpri viku, frá 6. mars, náðum við að fella rúmlega 1.100 hermenn óvinarins í Bakhmut. Óafturkræft tap Rússlands er í Bakhmut,“ sagði hann í daglegu ávarpi sínu til þjóðarinnar.
Hann sagði einnig að um 1.500 rússneskir hermenn hefðu særst svo alvarlega í Bakhmut á þessu sama tímabili að þeir séu ekki lengur bardagafærir.
Þess utan eyðilögðu Úkraínumenn tíu rússneskar skotfærageymslur og töluvert af hergögnum að sögn Zelenskyy.
Harðir og blóðugir bardagar hafa staðið um Bakhmut mánuðum saman og eru Rússar sagðir hafa misst allt að 30.000 hermenn þar.
