Það stefnir í neyðarástand í leikskólamálum í borginni. Fyrirséð er að erfitt verði að stytta biðlista eftir leikskólaplássum og 25 af 67 leikskólum borgarinnar hefur verið lokað, að hluta eða öllu leyti, eða gæti þurft að loka þeim í náinni framtíð vegna slælegs ástands húsnæðis.

Morgunblaðið skýrir frá þessu í dag. Segir blaðið að samkvæmt gögnum, sem það hefur undir höndum, hafi þurft að loka, að hluta eða öllu leyti, eða muni þurfa að loka 25 af 67 leikskólum borgarinnar í náinni framtíð vegna ástands húsnæðis. Þetta gerir að verkum nær útilokað verður að stytta biðlista.

Segir blaðið að fyrir liggi að loka þurfi tveimur leikskólum, við Laugasól og Langholtsveg, vegna viðhaldsvinnu og sé ekkert tiltækt húsnæði sem sé hægt að grípa til í staðinn. Þá þykir líklegt að þegar upp verður staðið þurfi að grípa til lokana á alls 25 leikskólum vegna ástands húsnæðis.

Blaðið hefur eftir Ernu Guðlaugsdóttur, leikskólastjóra á Hagaborg, að ætla megi að þau börn sem verða tekin inn að þessu sinni verði 2,5 til 3 ára gömul en staðan er erfið í Vesturborginni vegna lokunnar Grandaborgar.

Morgunblaðið hefur eftir Ólafi Brynjari Bjarkasyni, skrifstofustjóra á leikskólaskrifstofu borgarinnar, að hin umfangsmiklu viðhaldsverkefn muni hafa áhrif á inntöku barna. Ekki sé alltaf um mygluvanda að ræða. Einnig sé um gamalt húsnæði að ræða sem þarf að endurnýja.

Hægt er að lesa nánar um málið í Morgunblaðinu í dag.