Alexis Mac Allister ein af nýjustu stjörnum Evrópu er ekki að flýta sér burt og gæti vel haldið sig hjá Brighton.
Mac Allister er ein af óvæntu hetjum HM í Katar en hann var frábær með argentínska landsliðinu sem vann mótið að lokum.
Mac Allister leikur með Brighton á Englandi en það er langt frá því að vera eitt af stórliðum Evrópu.
Mörg lið horfa til Mac Allister en miðjumaðurinn er sjálfur ekkert að flýta sér burt.
,,Mér líður mjög vel hjá þessu félagi, með mínum liðsfélögum og öllum sem starfa hérna,“ sagði Mac Allister.
,,Ég reyni að lesa blöðin ekki of mikið. Ég hef alltaf sagst vera ánægður hér og er ekki að flýta mér burt. Ég einbeiti mér bara að næsta leik.“
