Agnes M. Sigurðardóttir, biskup Íslands, hyggst setjast í helgan stein eftir 18 mánuði en um mitt ár 2024 verður hún sjötugt. Þetta tilkynnti biskup í nýárs predikun í Dómkirkjunni í morgun. RÚV greindi frá.

Hún segir líta með stolti yfir farinn veg þó að oft hafi gefið á bátinn í þeirri umbótavinnu sem Agnes hafi viljað leggjast í. Ýmsar breytingar hafi þó náðst í gegn.

„Þær hafa ekki verið mjög sýnilegar nema fyrir okkur sem þjónum kirkjunni. Þær felast í því að þjóðkirkjan hefur fengið ný lög sem birta vilja ríkisins um hlutverk hennar í þjóðfélaginu. Kirkjuþing hefur enn fleiri verkefni en áður og engir embættismenn starfa lengur hjá þjóðkirkjunni. Sú kirkja sem valdi mig til að leiða þjóðkirkjuna fyrir 10 árum er ekki sú sama,“ sagði Agnes.