Kristján Óli Sigurðsson var gestur í Íþróttavikunni með Benna Bó á föstudag. Í settið var einnig mættur Hörður Snævar Jónsson, íþróttastjóri Torgs.

Manuel Neuer, markvörður Bayern Munchen, fótbrotnaði á skíðum í fríi eftir Heimsmeistaramótið í Katar og verður ekki meira með liðinu á leiktíðinni. Þetta var tekið fyrir í þættinum.

„Ég hélt að svona væri í samningum leikmanna,“ segir Kristján Óli.

„Neuer er fyrirliði Bayern og þeir ætla sér að vinna Meistaradeildina. Þeir gera það ekki með Sven Ulreich í markinu.“

Hörður tók til máls. „Þetta er svo mikil heimska.

Þetta er dæmi um mann sem á það mikið af peningum að honum gæti ekki verið meira sama.“

Umræðan í heild er hér að neðan.