Portúgalska knattspyrnusambandið hefur áhuga á því að ráða Jose Mourinho sem landsliðsþjálfara og taka þar sem við af Fernando Santos, sem talinn er á förum.

Gazzetta dello Sport segir frá þessu en fleiri miðlar taka einnig í sama streng.

Mourinho er knattspyrnustjóri Roma á Ítalíu sem stendur. Samkvæmt fréttum ætlar portúgalska sambandið ekki að krefjast þess að hann yfirgefi það starf, heldur veita honum það tækifæri að gera bæði í einu.

Er þetta alls ekki algengt í nútíma knattspyrnu.

Á meðan óvissa er um hver tekur við er þó líklegt að Jorge Rui verði starfandi landsliðsþjálfari Portúgals.

Eins og allir vita hefur Mourinho náð frábærum árangri í félagsliðafótbolta með félögum á borð við Real Madrid, Inter, Chelsea og Manchester United.