Nýjar rannsóknir benda til að áður óþekktar breytingar séu að eiga sér stað í hafinu umhverfis landið. Katherine Richardson, prófessor í haffræði við Kaupmannarhafnarháskóla og stjórnandi ROCS, segist telja að búast megi við breytingum á fiskistofnunum við landið vegna þess. Tegundum geti fækkað. Þetta geti til dæmist haft áhrif á þorsk sem vill vera í köldu vatni en um leið muni tegundum, sem vilja vera í hlýrra vatni, fjölga. Til dæmis makríl eða sardínum.

Fréttablaðið skýrir frá þessu í dag og hefur eftir Katherine að forsendur skorti til að alhæfa um áhrif breytinga á umhverfi á fiskistofna.

ROCS, er rannsóknarsetur Margrétar Danadrottningar og Vigdísar Finnbogadóttur um haf, loftslag og samfélag. Nýtur ROCS stuðnings íslenska ríkisins, Rannís og Carlsberg-sjóðsins.

Meðal þess sem ROCS hefur unnið að eru rannsóknir á borkjarnasýnum, sem voru tekin í fyrra á Reykjanesgrunni.

Fréttablaðið hefur eftir Katherine að umbreytingaskeið sé að eiga sér stað í hafinu umhverfis landið. Hún sagði að líkön sýni að þörungum muni fækka eða að frumuframleiðsla í sjónum muni minnka.

Hægt er að lesa nánar um málið í Fréttablaðinu í dag.