Magnús Kr. Ingason hefur verið ráðinn sem forstjóri Festis til bráðabirgða frá næstu mánaðarmótum en hann mun sinna starfinu þar til að nýr forstjóri verður ráðinn. Magnús hefur starfað sem framkvæmdastjóri fjármálasviðs Festis frá því í janúar 2o20.
Þetta kemur fram í tilkynningu frá Festi.
Magnús Kr. Ingason er menntaður viðskiptafræðingur frá Háskóla Íslands og er löggiltur endurskoðandi. Hann starfaði hjá KPMG frá 1994 til 1999 en réði sig þá sem forstöðumaður reikningshalds hjá Flugleiðum og var framkvæmdastjóri Fjárvakurs, dótturfélags Icelandair Group, frá 2003 fram á mitt ár 2019. Hann hefur verið framkvæmdastjóri fjármálasviðs Festi frá janúar 2020.
Festi munb birtir uppgjör sitt fyrir 2. ársfjórðung 2022 eftir lokun markaða miðvikudaginn 27. júlí næstkomandi. Þá kemur fram að opinn kynningarfundur verði haldinn fimmtudaginn 28. júlí 2022 kl. 08:30 í höfuðstöðvum félagsins að Dalvegi 10 – 14, 3. hæð.
