Thomas Tuchel stjóri Chelsea fær 200 milljónir punda til þessa að eyða í leikmenn. Þetta fullyrða ensk blöð nú í dag.
Tuchel fær peninginn til umráða eftir ljóst er að Todd Boehly fær að kaupa félagið.
Enska úrvalsdeildin og ríkisstjórn Bretlands hafa samþykkt kaup Todd Boehly á félaginu.
Ensk blöð segja að Jules Kounde, Josko Gvardiol og Raheem Sterling séu efstir á óskalista Tuchel sem vill styrkja liðið í sumar.
Chelsea endaði í þriðja sæti ensku úrvalsdeildarinnar en liðið tapaði bæði úrslitum deildarbikarsins og enska bikarsins.