Burnley tók á móti Everton í fallslag í ensku úrvalsdeildinni í kvöld.
Nathan Collins kom heimamönnum yfir á 12. mínútu leiksins. Fimm mínútum síðar fékk Everton víti og fór Richarlison á punktinn og skoraði.
Skömmu fyrir leikhlé fékk Everton svo annað víti sem Richarlison skoraði sömuleiðis úr.
Burnley jafnaði leikinn á 57. mínútu með marki Jay Rodriguez.
Staðan var jöfn þar til á 85. mínútu. Þá skoraði Maxwel Cornet sigurmark leiksins.
3-2 sigur Burnley staðreynd. Liðið er áfram í 18. sæti, nú með 24 stig, aðeins stigi á eftir Everton. Liðin hafa leikið jafnmarga leiki.
