8-liða úrslit Meistaradeildar Evrópu hófust í kvöld á tveimur leikjum.

Liverpool heimsótti Benfica og leiddi verðskuldað eftir fjörugan fyrri hálfleik. Ibrahima Konate kom þeim yfir á 17. mínútu með skallamarki eftir hornspyrnu sem Andy Robertson tók.

Sadio Mane tvöfaldaði forystu Liverpool á 34. mínútu. Trent Alexander-Arnold átti þá frábæra sendingu fram völlinn á Luis Diaz sem skallaði boltann fyrir fætur Mane sem potaði boltanum í netið.

Darwin Nunez minnkaði muninn fyrir Benfica með marki eftir fyrirgjöf Rafa Silva. Heimamenn voru öflugir í kjölfarið en tókst ekki að finna netið á ný.

Fyrrum Porto-maðurinn Diaz innsiglaði svo 1- 3 sigur gestanna með marki á 87. mínútu. Hann fagnaði fyrir framan stuðningsmenn Benfica.

Manchester City tók þá á móti Atletico Madrid. Heimamenn stjórnuðu leiknum og voru lærisveinar Diego Simeone meira en til í að liggja til baka.

City tókst einu sinni í leiknum að brjóta vörn gestanna á bak aftur. Þá stakk Phil Foden boltanum í gegn á Kevin De Bruyne sem skoraði.