Það er orðið ljóst að Gareth Bale mun fara frítt frá Real Madrid í sumar þegar samningur hans rennur út. Umboðsmaðurinn hans staðfestir þetta.
Bale kom til Real frá Tottenham árið 2013 og hefur gengið verið misjafnt í spænsku höfuðborginni. Margir vilja þó meina að Bale eigi meiri virðingu skilið en hann fær hjá Real. Velski landsliðsmaðurinn hefur til að mynda unnið fjóra Meistaradeildartitla með félaginu.
Þá er tölfræði Bale með Real Madrid ansi fín. Hann hefur skorað 106 mörk í 256 leikjum. Þá hefur hann lagt upp önnur 67.
Bale lék á láni með Tottenham á síðustu leiktíð. Nú er ljóst að hann mun róa á önnur mið í sumar.