Í lok vikunnar áttu sér stað þau mistök að Hjallastefnan var nafngreind í frétt sem aðili að dómsmáli. Dómsmálið sneri að uppsögn á þungaðri konu sem hafði ráðið sig sem deildarstjóra á leikskóla.

Sjá einnig: Leikskóli sagði upp barnshafandi deildarstjóra – Greindi frá óléttunni sama dag og hún skrifaði undir ráðningasamning

Dómurinn birtist á vef héraðsdómstólana og vakti áhuga ritstjórnar enda athyglisverður dómur varðandi réttindi og skyldur starfsmanna.

DV fékk síðan ábendingu um að Hjallastefnan ræki umræddan leikskóla.  Í kjölfarið hringdi blaðamaður á vakt til þess að freista þess að fá það staðfest sem og mögulega einhver viðbrögð frá stjórnendum fyrirtækisins. Í umræddu símtali átti sér stað hörmulegur misskilningur sem skrifast alfarið á ritstjórn DV. Blaðamaður miðilsins taldi talsmann Hjallastefnunnar hafa staðfest aðild að málinu en slíkt var eins fjarri lagi og hugsast getur.

Í kjölfarið var birt frétt þar sem að Hjallastefnan var sögð aðili að málinu.

Undirritaður, sem ritstjóri miðilsins, vill biðjast innilegrar afsökunar á mistökunum og að hafa valdið starfsmönnum og ekki síður aðstandendum barna á Hjallastefnunni hugarangri og óþægindum.

Við höfum lært af þessum mistökum og munum gera okkar allra besta til að slíkt eigi sér ekki aftur stað.

Virðingarfyllst

Björn Þorfinnsson

Ritstjóri DV

Leikskóli sagði upp barnshafandi deildarstjóra – Greindi frá óléttunni sama dag og hún skrifaði undir ráðningarsamning