Flest bendir til að hernaður Rússar í Úkraínu gangi ekki eins og lagt var upp með og raunar sé mikill munur á áætlunum þeirra og raunverulegu gengi þeirra í stríðinu. Eins og staðan er núna stefnir í langvarandi stríð með miklu mannfalli.

Margir sérfræðingar telja að nú geti svo farið að í Moskvu hefjist hreinsanir þegar reynt verður að draga einhvern til ábyrgðar fyrir lélega frammistöðu hersins í stríðinu.

Dögum saman hefur orðrómur verið á kreiki á samfélasmiðlum um að Sergej Sjojgu, varnarmálaráðherra, sé fallinn í ónáð hjá Pútín.

Annar orðrómur gengur út á að það sé leyniþjónustan FSB sem hafi beinlínis lokkað ráðamenn í Kreml inn í stríðið sem getur hugsanlega endað með miklum hörmungum fyrir Rússa.