Alfreð Finnbogason kom inn á sem varamaður og lék síðasta hálftímann fyrir Augsburg í 1-2 tapi gegn Freiburg í þýsku Bundesligunni í dag.
Nils Petersen kom Freiburg yfir á 4. mínútu. Michael Gregoritsch jafnaði fyrir heimamenn eftir rúman stundarfjórðung. Nico Schlotterbeck skoraði svo sigurmark gestanna á 26. mínútu.
Augsburg er í sextánda sæti deildarinnar með 22 stig, stigi frá öruggu sæti.
Önnur úrslit í Bundesliga í dag
Arminia Bielefeld 1-0 Union Berlin
Stuttgart 1-1 Bochum
Wolfsburg 1-2 Hoffenheim