Lögreglu barst tilkynning í kvöld um að maður væri særður innandyra í Vesturbænum eftir að hafa verið skotinn.

Mikill viðbúnaður var vegna málsins og var sérsveitin kölluð út og lögregla með mikinn viðbúnað um hálfsjöleytið í kvöld.

Á vettvangi var þó engan slasaðan mann að finna og fór svo að tilkynnandi var handtekinn og færður á lögreglustöð grunaður um gabb.

Tilkynning lögreglu er eftirfarandi:

„Um hálfsjöleytið í kvöld hélt lögreglan að húsi í vesturbæ Reykjavíkur eftir að tilkynning  barst um að innandyra væri karlmaður, sem hefði verið skotinn og væri með áverka. Mikill viðbúnaður var vegna málsins enda tilkynningin mjög alvarleg og héldu lögreglumenn þegar á staðinn, auk þess sem sérsveit ríkislögreglustjóra var strax kölluð til. Á vettvangi var hins vegar engan slasaðan mann að finna, en svo fór að tilkynnandi var handtekinn og færður á lögreglustöð. Talið er að um gabb hafi verið að ræða.“