Björgunarsveitir eru á leið upp á Vatnajökul vegna neyðarkalls sem barst frá neyðarsendi í gærkvöld. Eru aðstæður á svæðinu erfiðar og er verið að reyna að komast á staðinn þaðan sem neyðarsendingin barst. Tilkynning frá Landsbjörg um málið er eftirfarandi:

„Fimmtíu björgunarsveitarmenn frá níu björgunarsveitum eru á leið upp á Vatnajökul vegna neyðarkalls sem barst frá neyðarsendi í gærkvöldi. Björgunarsveitir allt frá höfðuborgarsvæðinu til austfjarða voru boðaðar í ljósi þess hvaðan neyðarboðin koma. Útkallið barst á fjórða tímanum í nótt. Aðstæður á svæðinu eru erfiðar, mikil veðurhæð og mjög takmarkað skyggni á köflum. Enn er unnið að því að komast á staðinn þaðan sem neyðarsendinginn kom en vonir standa til að það takist á næstu klukkutímum. Fjöldinn allur af sérhæfðum tækjum og sjálfboðaliðum sækir því á jökulinn úr öllum áttum á vélsleðum, breyttum jeppum og snjóbílum. Svæðisstjórnir á svæði 1-13-15 skipuleggja aðgerðir björgunarsveita.

Unnið er út frá staðsetningu sendingar neyðarsendis og ferðaáætlunnar sem skráð var hjá Safetravel.“