Skömmu eftir klukkan 22 var tilkynnt um tvo menn sem voru að reyna að sparka upp hurð að fyrirtæki í Árbæ. Þeir náðu að komast undan á bifreið og var búið að hylja skráningarnúmer hennar. Áður höfðu mennirnir farið inn í bifreið tilkynnanda og stolið greiðslukortum og reiðufé.
Á níunda tímanum var maður handtekinn á Miðborgarsvæðinu en hann er grunaður um eignaspjöll, brot á lögreglusamþykkt og fleira. Hann var í annarlegu ástandi og var vistaður í fangageymslu.
Þrír ökumenn voru handteknir í gærkvöldi og nótt grunaðir um að vera undir áhrifum fíkniefna.
