Á sjötta tímanum í gær var ekið aftan á bifreið við Kaplakrika í Hafnarfirði. Tjónvaldurinn ók af vettvangi en akstur hans var stöðvaður skömmu síðar á Reykjanesbraut við Álverið. Hann var handtekinn þar sem hann er grunaður um að hafa verið undir áhrifum áfengis. Hann var vistaður í fangageymslu. Hinn ökumaðurinn var fluttur með sjúkrabifreið á Bráðadeild.

Á fimmta tímanum í nótt var grunaður innbrotsþjófur handtekinn á vettvangi við fyrirtæki í Hlíðahverfi en tilkynnt var um innbrot þar. Hann var vistaður í fangageymslu.

Á ellefta tímanum í gærkvöldi var tilkynnt um húsbrot/eignaspjöll í fyrirtæki í Hlíðunum. Þar hafði verið brotist inn og skemmdir unnar.

Fimm ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.