Fornleifafræðingar telja sig nú aflað frekari sannanna fyrir því að landnám Færeyja hafi átti sér stað í kringum árið 500. Ný rannsókn þess efnis var birt í vikunni. Það er rúmum 350 árum áður en talið er að víkingar hafi gert sig heimakomna á eyjunum en tæpum aldarfjórðungi var förinni heitið til Íslands.
Í byrjun þessarar aldar var hin almenna söguskoðun sú að víkingarnir hafi verið þeir fyrstu sem settust að í Færeyjum. Sú söguskoðun var fyrst og fremst byggð á upplýsingum úr fornum handritunum.
Árið 2013 var greint frá byltingarkenndum fundi fornleifafræðinga sem benti til þess að landnám Færeyja hafi átt sér stað mun fyrr. Um var að ræða brennda móösku með byggkornum sem kolefnisaldurgreinin sýndi að væri frá fjórðu til sjöttu öld.
En til þess að fá frekari sannanir ákváðu vísindamenn að rannsaka setlög stöðuvatns á við bæinn Eiði á Austurey, næststærstu eyju Færeyja, en þar var landnámsbyggð til forna. Undir þekktu landnámsöskulagi frá Íslandi frá árinu 877 fundu vísindamenn úrgang úr sauðfé sem rannsóknir benda til að sé frá árunum 492 til 512. Sauðfé sem flutt var til eyjanna af mönnum.
Ljóst er að þessi uppgötvun mun leiða til frekari rannsókna á hverjir þessir fyrstu landnemar voru. Ýmislegt bendir til þess að þetta fólk hafi verið af keltneskum uppruna, líklega landmenar frá Írlandi eða Skotlandi.
