Fyrrum forsetafrúin Dorrit Moussaieff birti færslu á Instagram í gærkvöldi þar sem hún auglýsti eftir kápu sem hún á. En svo virðist vera sem hún hafi týnt flíkinni.
Í færslu sinni segist hún bjóða há fundarlaun handa hverjum þeim sem finnur kápuna, sem hún segir að hafi haft mikið tilfinningalegt gildi handa sér.
Dorrit birti mynd af sér í kápunni, sem er rauðköflótt, með stórum loðkraga. Hún segist síðast hafa klæðst kápunni í nóvember í London.
Á myndinni sem hún birti mátti sjá hana ásamt John Warner. Sá var öldungadeildarþingmaður Bandaríska þingsins frá árinu 1979 til 2009. En hann lést fyrr á þessu ári, 94 ára gamall.
Í færslu sinni segir hún: „Mikil fundarlaun handa þeim sem finnur þessa kápu. Hún hefur gríðarlegt tilfinningalegt gildi fyrir mig. Ég klæddist henni síðast í Nóvember í London. Þessi mynd var tekinn með vini mínum, þingmanninum John Warner sem er því miður ekki lengur á meðal okkar.“
Hér fyrir neðan má sjá myndina sem um ræðir:
