Saul Niguez samdi við Chelsea í sumar á eins árs lánsamningi frá Atletico Madrid. Saul hefur ekki fengið mörg tækifæri hjá Chelsea og í þau skipti sem hann hefur byrjað hefur hann alls ekki heillað.
Samkvæmt frétt Mundo Deportivo var Saul lofað byrjunarliðssæti hjá Chelsea og það var eitt af því sem sannfærði hann um að ganga til liðs við Evrópumeistara. Hann var einnig með tilboð frá öðrum liðum í ensku úrvalsdeildinni.
Þá er Tuchel nú farinn að hugsa um hann í vængbakvarðarstöðu í næstu leikjum og það er Saul ekki spenntur fyrir því.
„Ég tel að hann geti spilað sem vængbakvörður fyrir okkur. Hann hefur marga eiginleika sem gætu hentað í það. Nú eru margir leikir framundan og á meðan Chillwell er meiddur gætum við skoðað það.“