Paris Saint-Germain vann 1-3 sigur á Saint Etienne í frönsku Ligue 1 í dag.
Denis Bouanga kom heimamönnum yfir á 25. mínútu. Marquinhos jafnaði fyrir PSG undir lok fyrri hálfleiks. Stuttu áður hafði Timothee Kolodziejczak, leikmaður Saint Etienne, fengið rautt spjald.
Manni fleiri skoruðu PSG tvö mörk í seinni hálfleik. Angel Di Maria kom þeim yfir á 79. mínútu. Marquinhos skoraði svo sitt annað mark í uppbótartíma. Lokatölur 1-3.
Þess skal getið að Lionel Messi lagði upp öll mörk PSG í dag.
Þá lék Sergio Ramos sinn fyrsta leik fyrir félagið. Hann hefur verið meiddur frá komu sinni. Hann var í byrjuanrliði í dag.
PSG er að valta yfir deildina. Liðið er með 40 stig á toppi deildarinnar, 14 stigum á undan Nice sem er í öðru sæti.