Ari Freyr Skúlason hefur ákveðið að hætta að gefa kost á sér í íslenska landsliðið. Er hann fjórði leikmaðurinn úr gullkynslóð landsliðsins sem hættir.

Kári Árnason og Hannes Þór Halldórsson hættu í haust og Birkir Már Sævarsson hefur eining ákveðið að hætta. Þá eru fleiri lykilmenn sem ekki hafa tekið þátt í verkefnum landsliðsins í haust í óvissu.

Ari er 34 ára gamall en hann lék 83 landsleiki fyrir Íslands og var í stóru hlutverki á EM í Frakklandi árið 2016. Hann missti sæti sitt á HM 2018 en hefur átt fast sæti í hópnum.

„Eftir 10 ár af ómetanlegum minningum er kominn tími á að gefa framtíðinni pláss. Er stoltur af að hafa verið hluti af þessum magnaða tíma í íslenskri fótboltasögu. Takk fyrir mig!,“ skrifari Ari á Twitter.

Eftir 10 ár af ómetanlegum minningum er kominn tími á að gefa framtíðinni pláss. Er stoltur af að hafa verið hluti af þessum magnaða tíma í íslenskri fótboltasögu. Takk fyrir mig! pic.twitter.com/FG1zuQH5fg

— Ari Freyr Skulason (@Skulason11) November 17, 2021