Breiðablik er búið að selja Karl Friðleif Gunnarsson bakvörð til Víkings. Þetta fullyrðir Kristján Óli Sigurðsson sérfræðingur í Þungavigtinni.

Kristján Óli segir að Víkingur borgi 3,3 milljónir til Breiðabliks. Að auki fær Breiðablik 70 prósent af sölu ef Karl Friðleifur verður seldur erlendis, ef marka má Kristján Óla.

Karl Friðleifur er hægri bakvörður sem var í láni hjá Víkingi frá Blikum á síðustu leiktíð. Karl Friðleifur varð Íslands og bikarmeistari með Víkingum í sumar.

Karl Friðleifur er tvítugur leikmaður sem var áður á láni hjá Gróttu en Víkingar hafa mikla trú á honum.

Víkingur reynir einnig að kaupa Davíð Örn Atlason frá Breiðabliki en samkvæmt Kristjáni Óla vill FH einnig fá hann frá Blikum.