Ísland mætir Rúmeníu ytra í kvöld klukkan 19:45 að íslenskum tíma. Leikurinn er liður í undankeppni Heimsmeistaramótsins í Katar sem fram fer árið 2022. Byrjunarlið Íslands í leiknum hefur verið tilkynnt.
Þrjár breytingar eru gerðar á liðinu frá síðasta leik gegn Liechtenstein. Ari Freyr Skúlason, Ísak Bergmann Jóhannesson og Sveinn Aron Guðjohnsen koma inn í liðið fyrir þá Guðmund Þórarinsson, Þóri Jóhann Helgason og Viðar Örn Kjartansson.
Birkir Bjarnason jafnar leikjamet Rúnars Kristinssonar með landsliðinu í kvöld. Hann leikur sinn 104. leik.
Ísland er í fimmta sæti undanriðilsins með 8 stig. Liðið er 5 stigum á eftir Rúmenum sem eru í öðru sæti, umspilssæti. Möguleiki Íslands á að hafna í öðru sæti riðilsins er sáralítill. Ef Norður-Makedónar vinna leik sinn gegn Armenum sem nú stendur yfir er Ísland endanlega úr leik í baráttunni. Staðan er 2-0 fyrir Norður-Makedóna þegar seinni hálfleikur er um það bil hálfnaður.
Byrjunarlið Íslands
Elías Rafn Ólafsson – Alfons Sampsted, Brynjar Ingi Bjarnason, Daníel Leó Grétarsson, Ari Freyr Skúlasson – Ísak Bergmann Jóhannesson, Birkir Bjarnason, Stefán Teitur Þórðarson – Albert Guðmundsson, Sveinn Aron Guðjohnsen, Jón Dagur Þorsteinsson
Byrjunarlið A karla gegn Rúmeníu í undankeppni HM 2022.
This is how we start our game against Romania in the @FIFAWorldCup qualifiers.#fyririsland pic.twitter.com/tkb5TVmtdA
— Knattspyrnusambandið (@footballiceland) November 11, 2021