Vanda Sigurgeirsdóttir formaður KSÍ er væntanleg til móts við íslenska karlalandsliðið þar sem hún ætlar að funda með leikmönnum liðsins.
Vanda tók við starfinu fyrir um mánuði síðan og hefur verið að setja sig inn í hlutina. Til umræðu er að landsliðsmenn skrifi undir samninga við KSÍ. Ekki hefur komið fram hvað á að standa í þeim samningum en að hluta til eru þeir samningar þess eðlis að leikmenn hagi sér vel utan vallar.
Gustað hefur verið um sambandið og nokkrir leikmenn legið undir ásökunum um ofbeldi. Hingað til hefur enginn landsliðsmaður síðustu ára hlotið dóm en tvö mál eru á borði lögreglu. Eitt mál hérlendis og annað í Bretlandi.
Vanda ætlar að ræða við leikmenn liðsins í komandi verkefni. „Ég hef ekki hitt á hana. Hún ætlar að setjast niður með okkur og ræða ýmis mál. Ég veit ekki hvað svo sem,“ sagði Albert Guðmundsson leikmaður liðsins á fréttamannafundi í dag.
Arnar Þór Viðarsson þjálfari liðsins veit ekki hvað Vanda ætlar að ræða. „Ég veit ekki nógu mikið um þau mál,“ sagði Arnar.
Arnar segir að ekki sé búið að ákveða með samninganna sem rætt hefur verið um. „Það hafa ekki verið teknar neinar ákvarðanir um undirritaðir á einhverju. Það er ekki eitthvað sem er búið að ákveða heldur tillaga frá starfshóp,“ sagði Arnar.
Arnar segir það eðlilegasta hlut í heimi að að formaður fundi með leikmönnum. „Það að formaðurinn ræði við hópinn þegar hún kemur hingað er mjög eðlilegt. Í öllum ferðum sem ég hef verið í, þar sem formaður KSí er þá segi hann nokkur vel valinn orð,“ sagði Arnar.