Á tíunda tímanum í gærkvöldi var ekið á reiðhjólamann í Háaleitis- og Bústaðahverfi. Maðurinn var fluttur með sjúkrabifreið á slysadeild en hann var með verki í höfði og fæti.

Á sjötta tímanum í gær var maður handtekinn í Miðborginni. Hann var í annarlegu ástandi og hafði áreitt starfsfólk og gesti á veitingahúsi. Þegar honum var vísað þaðan fór hann í verslun og hélt uppteknum hætti.

Einn var kærður fyrir of hraðan akstur í Breiðholti síðdegis í gær en hraði bifreiðar hans mældist 63 km/klst þar sem leyfður hámarkshraði er 30 km/klst. Að auki notaði ökumaðurinn ekki öryggisbelti.