Gylfi Þór Sigurðsson, knattspyrnumaður, verður áfram laus gegn tryggingu til 16. janúar 2022. Þetta segir talskona lögreglunnar í Manchester í samtali við RÚV
Gylfi er til rannsóknar hjá lögreglunni í Manchester grunaður um að hafa brotið kynferðislega á ólögráða einstaklingi. Hann var handtekinn þann 16. júlí síðastliðinn.
Gylfi Þór hefur verið laus gegn tryggingu í tæpa þrjá mánuði. Honum var sleppt úr haldi fljótlega eftir handtökuna og hefur síðan verið laus gegn tryggingu.
Að lokinni rannsókn tekur lögregla ákvörðun um hvort málið verði fellt niður eða ákæra verði gefinn út.
Gylfi er í hópi bestu knattspyrnumanna í sögu Íslands en afrek hans með landsliðinu höfðu skrifað hann í sögubækurnar. Hann er samningsbundinn Everton á Englandi en félagið setti hann í leyfi á meðan rannsókn málsins er í gangi. Samningur Gylfa við Everton rennur út næsta sumar.
