Hátt í 16 leikmenn frá Suður-Ameríku gætu misst af leikjum í ensku úrvalsdeildinni um næstu helgi.
Fabinho og Alisson, leikmenn Liverpool, eru í brasilíska landsliðinu sem mætir Úrúgvæ á föstudag, aðeins 35 klukkutímum áður en að Liverpool mætir Watford á laugardag. City á einnig tvo leikmenn í brasilíska landsliðinu en það eru þeir Gabriel Jesus og Ederson. City mætir Burnley 37 og hálfum klukkutíma eftir viðureign Brasilíu og Úrúgvæ.
Suðuramerísku leikmenn Tottenham, Everton og Newcastle eiga raunhæfan möguleika á að leika með félagsliðum sínum um helgina en liðin eiga öll leiki á sunnudag.
Fred og Edinson Cavani, leikmenn Man Utd gætu mæst í viðureign Úrúgvæ og Brasilíu, en United leikur gegn Leicester á laugardag. Douglas Luiz og Emi Martinez, leikmenn Aston Villa, verða þá í hópum Argentínu og Brasilíu 37 og hálfum klukkutíma áður en Villa mætir Wolves á laugardag.
Yerry Mina (Everton), Miguel Almiron (Newcastle), Thiago Silva (Chelsea) og Raphina (Leeds) verða einnig í kapphlaupi við tímann um helgina.
Suðuramerísku leikmennirnir sem gætu misst af leikum helgarinnar í ensku úrvalsdeildinni eru eftirfarandi:
Liverpool: Fabinho, Alisson. Man City: Ederson, Gabriel Jesus. Man Utd: Edinson Cavani, Fred.
Aston Villa: Emi Martinez, Douglas Luiz. Chelsea: Thiago Silva. Leeds: Raphina.
Tottenham: Christian Romero, Giovani Lo Celso, Emerson Royal, Davinson Sanchez.
Newcastle: Miguel Almiron. Everton: Yerry Mina.
