Steve Bruce, knattspyrnustjóri Newcastle, hefur opnað sig með það áreiti sem hann hefur þurft að þola í starfinu.

Bruce er alls ekki vinsæll á meðal allra stuðningsmanna Newcastle. Nú eru svo teknir við nýjir og moldríkir eigendur sem eru sagðir ætla að losa sig við hann. Er því tekið sem fagnaðarefni af mörgum stuðningsmönnum félagsins.

,,Sumt sem er skrifað og sagt um mig, áreitið á samfélagsmiðlum. Ég er ánægður með að foreldrar mínir séu ekki á lífi til að sjá þetta því það hefði algjörlega brotið þau,“ sagði Bruce.

Newcastle er í nítjánda sæti ensku úrvalsdeildarinnar sem stendur. Það þykir þó líklegt að liðið eigi eftir að lyfta sér töluvert upp töfluna með sterkum leikmannakaupum í janúar í kjölfar eigendaskiptanna hjá félaginu.