Ísland hefur leik í undankeppni HM 2023 á þriðjudag þegar liðið mætir Hollandi. Leikurinn fer fram á Laugardalsvelli og hefst hann kl. 18:45. Miðasala á leikinn er í gangi og fer hún fram á tix.is.
Þetta er eini leikur liðsins í þessum landsleikjaglugga, en Holland mætti Tékkum á föstudag og gerðu liðin 1-1 jafntefli. Á þriðjudag mætast einnig Tékkland og Kýpur í riðlinum. Fimmta lið riðilsins er Hvíta Rússland.
Liðið hefur æft við góðar aðstæður undanfarna daga, fyrst í Hveragerði og svo á Laugardalsvelli, og er allur hópurinn heill og tilbúinn í verkefnið.
Hræðileg veðurspá er fyrir leikinn á morgun, spáð er 12 metrum á sekúndu og mígandi rigningu. Þá verður hitastigið í kringum 5 gráður.
