Tveimur leikjum var að ljúka í næstsíðustu umferð Pepsi Max deildar karla. Breiðablik tapaði gegn FH en Víkingar unnu KR og komu sér þar með í toppsæti deildarinnar.

FH tók á móti Breiðablik í Kaplakrika. Blikar vorum heillum horfnir í fyrri hálfleik og náði liðið ekkert að skapa sér sóknarlega. Leikmenn FH lágu til baka og voru skipulagðir í sínum aðgerðum og áttu hættulegri færi en Blikar. Pétur Viðarsson kom FH yfir undir lok seinni hálfleiks eftir hornspyrnu.

Blikar fengu frábært tækifæri til að jafna leikinn á 77. mínútu er þeir fengu vítaspyrnu. Árni Vill fór á punktinn en skaut hátt yfir. 1-0 sigur FH því staðreynd og titillinn ekki lengur í höndum Blika.

FH 1 – 0 Breiðablik
1-0 Pétur Viðarsson (´38)

KR tók á móti Víkingum á Meistaravöllum. Kjartan Henry Finnbogason kom KR yfir strax á 9. mínútu með skalla eftir frábæran bolta frá Kennie Chopart. Atli Barkarson jafnaði metin stuttu síðar með frábæru skoti. Víkingar sóttu stíft það sem eftir lifði leiks og uppskáru á 87. mínútu er Helgi Guðjónsson kom knettinum í netið. Ótrúleg dramatík var undir lok leiks en KR fékk vítaspyrnu og þá varð allt brjálað og Kjartan Henry Finnbogason sá rautt. Pálmi Rafn tók spyrnuna en lét Ingvar Jónsson verja frá sér og mikil fagnaðarlæti brutust út hjá Víkingum.

Víkingur fer því á topp deildarinnar og vinni þeir næsta leik þá eru þeir Íslandsmeistarar.

KR 1 – 2 Víkingur
1-0 Kjartan Henry Finnbogason (´9)
1-1 Atli Barkarson (´16)
1-2 Helgi Guðjónsson (´87)